ڕۆژانێن دووشەمب و سێشەمبی ڕێــککــەڤتیێن ٣٠٫٢٩-٤-٢٠٢٤ شاندەکێ ژ زانکۆیا زاخۆ، کۆ پێکهاتبوون ژ بەرێزان هاریکارێ سەرۆکێ زانکۆیێ بۆ کاروبارێن زانستی و خواندنا بلند و دگەلدا هژمارەک ژ مامۆستایێن زانکۆیا زاخۆ، پشکداری د کۆنفرانسى (Kurdistan One Health - 2024) ل باژێرێ هەولێرێ کرن.
ب چاڤدێری و ئامادەبونا بەرێز (د. ئارام محمد قادر) وەزیرێ خواندنا بلند و ڤەکۆلینێن زانستى و د. سامان بەرزنجى وەزیرێ ساخلەمیێ، وەزارەتا خواندنا بلند و ڤەکۆلینێن زانستی ب هەماهەنگی  لگەل زانکۆیا هەولێر یا پزیشکى و لیژنا بڕێڤەبرنا مەترسییێن بایۆلۆجی و ب پشتەڤانیا دامەزراوەیا (Bureau of International Security and Nonproliferation) و Office of Cooperative Threat Reduction)  ل وەزارەتا دەرڤەیا حکومەتا ویلایەتێن ئێکگرتیێن ئەمریکا، کۆنفرانسێ (Kurdistan One Health Conference-2024) دەستپێکر.

د ئەڤی کۆنفرانسیدا، سەرۆکێن زانکۆیان و پسپۆڕێن زانکۆیێن هەرێما کوردستانێ و نیڤدەولەتی و بەرپرسێن دامەزراوەیێن خواندنا بلند و وەزارەت و دەستە و لایەنێن پەیوەندیدار ئامادەبون، د ڕێورەسمێن ڤەکرنێدا چەندین پەیڤ ب ئەڤێ هەلکەفتێ هاتنە پێشکێشکرن.

د گوتنەکێدا؛ بەرێز د.ئامانج سەعید شیرەتکارێ وەزیرى خواندنا بلند، پشتی بخێرهاتنا مێهڤانان ب گرنگی بەحس ل ئەوان دژواریان کر، کۆ ڕویبوڕویێ مرۆڤایەتیێ دبن، بۆ ئەڤێ چەندێ ڕاگەهاند: ب تنێ  ئاگەهداربون ژ بارودوخێ ساخلەمیا مرۆڤی؛ مرۆڤایەتیێ ناگەهینیتە ئاقارەکێ ئارام، بەلکی ساخلەمیا باش قوناغەکا گشتگیرە و پەیوەندى بهەمی ئەوان زیندەور و وێ ژینگەهێ ڤە هەیە، ئەوا مرۆڤ تێدا دژیت، ژبەر ڤێ چەندێ بەڵاڤبونن میکرۆب و پیسبونا ژینگەهێ، گوهورینێن کەشوهەوای و ژدەستدانا جهێ ئاکنجیبونا مرۆڤایەتیێ و ئەو دژواریێن ڕۆیبڕۆیێ مرۆڤایەتیێ دبن، هیڤی خواست د دەمێ دوو ڕۆژێن کۆنفرانسیدا دانوستاندنێن کویر و جدى سەبارەت ناڤەڕوکا پەنەڵان بهێتە کرن.